Daha bir marka tarixə qovuşa bilər

2029-cu ildə SEAT avtomobillərinin istehsalı dayandırıla bilər.

Avtosfer.az xəbər verir ki, bu barədə İspaniyanın “Confidencial” portalı məlumat yayıb. Halbuki, İspaniya rəsmiləri ölkənin simvolu olan markanın nəyin bahasına olursa olsun həyatda axlamaq istəyirlər.

Nəşr yazır ki, ciddi restrukturizasiya aparan “Volkswagen” İspaniyada başqa bir markaya – 2018-ci ildə ortaya çıxmış “Cupra”-ya üstünlük verir və SEAT perspektivsiz hesab edilir. 

İqtisadçıların fikrincə, ötən əsrin 50-ci illərindən istehsal edilən SEAT-a qlobal tələbat azalıb, avtomobil yalnız vətəndə maraq doğurur. Bunun əksinə, “Cupra” beynəlxalq səviyyədə tanınıb. Sözügedən markanın İspaniyada 2 zavodu fəaliyyət göstərir və bu müəssisələr “Volkswagen” konserninə gəlir gətirir.

Vüqar