Dünyada ilk dəfə: yalnız qadınlar üçün – FOTO - VİDEO

"Lidia Bersani Luxury Design" studiyası dünyada ilk dəfə olaraq yalnız qadınlar üçün nəzərdə tutulmuş superyaxta layihəsi hazırlayıb. Avtosfer.az daily mail-ə istinadən bildirir ki, uzunluğu 79,8 metr olan "La Belle" adlı yaxta milyonçu qadınlar üçün hazırlanıb. "Swarovski" büllurlarından olan çilçıraqlar, qızıl suyuna çəkilmiş naxışlar və mozaikalar, buzlu fəvvarələri və spa-mərkəzi olan yaxtada 12 sərnişin səyahətə çıxa bilər. Yaxtanın interyeri büllur, qızıl, xəz, bahalı daş-qaşla süslənmiş 5 göyərtədən ibarətdir. Lidiya Bersaninin dediyinə görə, "La Belle" qadın tərəfindən qadınlar üçün hazırlanmış ilk yaxta layihəsidir.