Dünyanın ən şanslı sürücüsü – VİDEO

Sürət yarışında iştirak edən avtomobil sürücüsünün çevikliyi onu faciəvi ölümdən xilas etdi. Almaniyada təşkil olunan yarışda  təşkilatçıların yol verdiyi səhlənkarlıq ortaya dəhşətli mənzərə çıxarıb. Avtosfer.az atv.az-a istinadən xəbər verir ki, yüksək sürətlə hərəkət edən avtomobilin qarşısına qəfildən traktorun çıxması faciəyə yaşıl işıq yandırsa da, həm avtomobil, həm də traktor sürücüsünün cəldliyi tələfatın qeydə alınmasına imkan verməyib. Belçikalı Tyeri Növilin idarə etdiyi yarış avtomobili əkin sahəsi ilə hərkət etdiyi vaxt qəfil, bir traktor onun yoluna çıxıb. Dar yolda kəskin manevr etmək şansı olmayan sürücünün yeganə gümanı əyləci sıxmağa gəlib. Bu vaxt traktorçunun da ağır texnikanı geri verməsi güclü toqquşmanın qarşısını alıb. İlkin araşdırmalardan sonra məlum olub ki, yarışın keçirildiyi yol boyunca təhlükəsizliyi təmin etməli olan şirkət işçiləri, yaşıllıq arasında gözə çarpmayan traktordan xəbərsiz olub. 27 yaşlı yarışçı isə Feysbukdakı şəxsi hesabından hadisə ilə bağlı rəy bildirib. Belçikalı sürücü ən yüksək təhlükəsizlik tədbirlərinin belə insanları təhlükədən sığortalamadığına diqqət çəkib.