Dünyanın ən varlı adamlarının adları açıqlandı - SİYAHI

ABŞ-ın Tesla və Space X şirkətlərinin sahibi Elon Musk dünya zənginlərinin siyahısında ikinci yerə yüksəlib.
Avtosfer.az Forbes-ə istinadən xəbər verir ki, 144,7 milyard dollarlıq varidata sahib olan E.Musk Fransanın LVMH (Louis Vuitton Moet Hennessy) qrupunun sahibi, 144,3 milyard dollarlıq varidatı olan Bernar Arnonu üçüncü yerə sıxışdırıb. 
Birinci yerdə əvvəlkitək Amazon onlayn alış-veriş portalının sahibi, 185,4 milyard dollarlıq varidat sahibi Jeff Bezos qərarlaşıb.
Dördüncü yeri Microsoft-un təsisçilərindən 118,8 milyard dolların sahibi Bill Geyts, beşinci yeri isə Feysbuk şirkətinin təsisçisi 104 milyard dollarlıq Mark Zukerberq tutur.
Qeyd edək ki, noyabr ayının 23-də E.Musk Bloomberg-in reytinqində də ikinci yerə çıxıb. O zaman Tesla-nın səhmlərinin bahalaşması nəticəsində varidatı 7,2 milyard dollar artaraq 128 milyard dollara çatdığı bildirilmişdi. (Ted.az)