Ermənistan "Bayraktar"ları vurmaq üçün bu yola əl atıb, amma

Ermənistan ordusu Azərbaycan Silahlı Qüvvələrinin Türkiyənin "Bayraktar"ı da daxil olmaqla, döyüşlərdə istifadə etdiyi pilotsuz uçuş aparatlarına qarşı "Pole 21" elektron döyüş texnikasından istifadə edib.

Publika.az xəbər verir ki, bunu Ermənistan silahlı qüvvələrinin sabiq baş qərargah rəisi Movses Akopyan açıqlayıb.

Onun sözlərinə görə, bu texnika cəmi 4 gün PUA-ların fəaliyyətini məhdudlaşdırmağı bacarıb. Daha sonra bu elektron müharibə vasitələri də yararsızlaşıb.

Sabiq rəis qeyd edib ki, əvvəllər planlaşdırılan "Tor" hava hücumundan müdafiə raket sisteminin iki əlavə bölməsi alınsaydı, Qarabağ səması daha çox qorunacaqdı. Ancaq səlahiyyətlilər bu pulu qarşıdurmada heç bir rolu olmayan Su-30 SM qırıcılarını almaq üçün istifadə etməyə qərar verib.