Evi maşına qoyub, daşıdı - VİDEO

Taxta evi avtomobilin qoşqusu ilə daşıdı. Avtosfer.az atv.az-a istinadən xəbər verir ki, Braziliyada bir sakinin kiçik həcmli evini daşımaq üçün avtomobildən istifadə etməsi ölkədə maraqla qarşılanıb. San Paulo şəhərinin Qama bölgəsində avtomobillə hərəkət edən sakinlərdən birinin lentə aldığı görüntülər ölkədə geniş müzakirə mövzusuna çevrilib.

Həvəskar  kamera görüntülərində, evi qoşquya yükləyən sakinin təhlükəsizlik qaydalarına riayət etmədiyi də öz əksini tapır. Ölçüsü həm avtomobilin, həm  də qoşqunun ölçüsündən böyük olan ev potensial qəzaya yaşıl işıq yandırsa da, əlavə xərcə düşmək istəməyən şəxs buna o qədər də məhəl qoymur. Görüntüləri lentə alan şəxs, avtomobillə birgə hərəkətdə olan evin hər an aşmaq təhlükəsi olduğuna diqqət çəkib. Bu ehtimala qarşı sürətlə evin yanından keçdiyini deyən braziliyalı, taxta evi avtomobil şossesində daşıyan sakinin cəzalandırılmasını tələb edib.