F-16 qırıcısı təyyarə ilə toqquşdu

Maraqlı 8 İyul 2015 02:02 Oxunub 1881
F-16 qırıcısı təyyarə ilə toqquşdu
WhatsApp kanalımıza abunə ola bilərsiniz
Döyüş təyyarəsinin pilotu qırıcının yerə düşməsindən əvvəl tullana bilib

ABŞ Hərbi Hava Qüvvələrlərinin F-16 qırıcısı Cənubi Karolina ştatının Çarlston şəhərində “Cessna” tipli şəxsi təyyarə ilə toqquşub. Anspress-in məlumatına görə, bu haqda NBC News xəbər yayıb. Hərbçilərin sözlərinə görə, döyüş təyyarəsinin pilotu qırıcının yerə düşməsindən əvvəl tullanmağa vaxt tapıb. “Cessna”nın içində olanlar haqda məlumat verilmir. Faktla bağlı araşdırmalar davam edir.

Bir müddət öncə F-16 hərbi təyyarəsi Meksika ilə sərhəd yaxınlığında yerləşən Arizonada təlim uçuşu zamanı qəzaya uğramışdı. Hadisənin baş veridiyi Fort Uaçuka hərbi bazası araşdırma ilə bağlı işlərə yaxın günlərdə son verəcək.

Bu il ABŞ-da artıq 8-cı dəfədir F16 qəzaya uğrayır.

F16 ABŞ-ın əsas döyüş qırıcısı sayılır. O 1974-cü ildə hazırlansa da, 1970-ci illərin sonunda kütləvi istehsala başlanılıb. F16 dünyanın 20-dən artıq dövlətinin Hərbi Hava Qüvələrinin silahları sırasındadır. 4-cü nəsil kütləvi döyüş təyyarələrindən olan F-16-dan ötən müddətdə 4,5 min ədəd istehsal edilib.

ŞƏRH YAZ
Ad

E-mail

Şərh