Gəlini avtobusda apardı - VİDEO

Avtosfer.az atvxəbər-ə istinadən bildirir ki, maraqlı hadisə Türkiyənin Mersin şəhərində ailə həyatı quran bir cütlüyün toy mərasimi uzun illər şəhər sakinlərinin yaddaşından silinməyəcək. Avtobusu gəlin maşını kimi bəzətdirən Tuğba və Ünsal Taşkaya cütlüyü yol boyu hər kəsin diqqətini öz qeyri adi gəlin maşınları ilə cəlb edə biliblər. Avtobus sürücüsü işləyən Ünsal Taşkaya hər zaman şəxsi avtobusunun olmasını arzulayıb. Avtobus sahibi olduqdan sonra isə evlənmək qərarına gələn Ünsal gəlini məhz bu nəqliyyat vasitəsində aparacağını qarşısına məqsəd qoyub. Öz arzusunu sevgilisi ilə bölüşən Ünsal, onun da dəstəyini aldıqdan sonra qeyri-adi planını gerçəkləşdirib və yeganə sərnişinini avtobusuna mindirərək toy salonuna gəlib. İlk dəfə bu cür gəlin maşını görən qonaqlar isə gördükləri mənzərə qarşısında çaş-baş qalıblar.

Arzusunu reallığa çevirmək üçün ənənədən kənara çıxan cütlük medianın da müzakirəsinə səbəb olub.