Hələ belə olmamışdı: Finlandiyadan Afrikaya şütüdü – VİDEO

33 yaşlı fin Risto Risspanın adı Ginnesin Rekordlar kitabına düşüb. O, Finlandiyadan Afrikanın şimalına akvabaykla səyahət edib.

Avtosfer.az european-a istinadən bildirir ki, Finlandiyanın paytaxtı Helsinkidən Afrikanın şimalına, İspaniya ərazisi sayılan Seuta şəhərinədək olan 4828 kilometrlik məsafəni Atlantik Okeanda Risspa akvabaykla qət edib.

O, ölüm riskli, həddən artıq çətin səyahətini doğma ölkəsindəki uşaq xəstəxanası üçün ianə toplamaq məqsədilə gerçəkləşdirib.

Risto Risspanın dediyinə görə, 28 yaşı olanda müayinə zamanı onun beynində xərçəng şişi aşkarlanmışdı.

"Həkimlərin səyi və zəhməti nəticəsində şişdən qurtuldum, müalicə olundum. Afrikaya səyahətim də xərçəng xəstəsi uşaqlara yardım istəyimlə bağlıdır", - "Sea-Doo RXT 260" akvabaykı ilə okean səyahətində dünya rekordu vurmuş Risto söyləyib.