İnsan nəcisiylə gedən avtobus

Avtosfer.az xəbər verir ki, 41 nəfər sərnişin tutumu olan “Bio-Bus” adlı avtobus İngiltərədə ilk belə nəqliyyatdır. Və ən əsası qoxumur. Avtobus sadəcə, lüks dizaynı və məzəli xarici görünüşü ilə yox, eyni zamanda insan nəcisiylə çalışdığı üçün maraq mərkəzindədir. Belə ki, bu avtobus, əslində kanalizasiyadan əldə edilən qaz ilə işləyir. Bu qaz saflaşdırılıb zənginləşdirilərək super təmiz yanacağa çevrilir. Fərqli mənbədən əldə edilsə də, bu avtobusda istifadə olunan biometan qazının qoxusunu təbii qazın qoxusundan fərqləndirmək olmur. Oksigensiz mühitdə mikro-orqanizmlər insan nəcisini və yemək qalıqlarını parçalayaraq metanla zəngin olan bioqazı əmələ gətirir. Qeyd edək ki, bu texnologiya yeni deyil. Norveçin paytaxtı Osloda insan nəcisiylə çalışan 100 avtobus fəaliyyət göstərir.