İt üç aydır sahibinin öldüyü yerdə onu gözləyir – VİDEO

Çinin şimalında yerləşən Daxili Monqolustan vilayətinin Xux-Xoto şəhərində bir it artıq üç aydır sahibinin öldüyü yerdə onun geri qayıtmasını gözləyir. Avtosfer.az oxu.az-a istinadən  xəbər verir ki, avqustun 21-də Xux-Xoto şəhərində yol-nəqliyyat hadisəsi zamanı piyada xanımı maşın vurub. Qadın hadisə yerində ölüb. Elə həmin gündən onun sadiq iti hadisə yerinə gəlməyə başlayıb. “Artıq üç aydır bu it qəza yerinə gəlir, qar və ya yağış yağmasına baxmayaraq, burada gözləyir. Bu, çox təsirlidir”,- deyə Qo Sinxua adlı taksi sürücüsü bildirib. O qeyd edib ki, gecə növbəsində işləyəndə də iti burada görür. “Sadiq it insanlar yaxınlaşanda qaçır, hər kəs gedəndə yenidən qayıdıb burada gözləməyə başlayır”.