Kafenin qonaqları ofisiantın probleminə şərik olub ona maşın aldılar

Texas ştatının Qalveston şəhərində kafeyə gələn qonaqlar ofisianta maşın hədiyyə ediblər.

“Daily Mail” xəbər verir ki, bu Adrianna Edvards adlı qıza qismət olub.

O hər gün işə çatmaq üçün 22, 5 km piyada qət etməyə məcbur olub. Gününün 5 saatını yola sərf edən xanım özünə maşın almaq istəsə də buna cari xərclər imkan verməyib.

Noyabrın 26-da Edvards kafedə iki nəfərə səhər yeməyi verib. Kişi və qadın təsadüfən onun problemindən xəbər tutublar və bir neçə saatdan sonra kafeyə maşınla qayıdıblar. Cütlük yaxınlıqdakı avtomobil dükanından 2011-ci ilin “Nissan Sentra” maşını alıb onu ofisianta hədiyyə edib.

Qonaqların səxavəti Edvardsı çaş-baş salıb və o indiyə kimə xoşbəxtliyinə inana bilmir. Cütlük isə anonim qalmağı üstün tutub. Onlar qızdan xahiş ediblər ki, o da kiməsə yaxşılıq etsin.