Müsəlman qadın ərinə ikinci arvad axtarır

Moskva vilayətindən olan gənc müsəlman qadın, əri üçün ikinci arvad tapmaq qərarına gəlib və bu barədə sosial şəbəkələrin birində reklam yerləşdirib.

Lent.az-ın Rusiya mediasına istinadla verdiyi xəbərə görə, ölkədəki müsəlman icmaları onu qınayıb.

Elanda qeyd edilir ki, ikinci arvad rolu üçün iddiacı bakirə olmalı, 23 yaşdan yuxarı olmamalı, mütləq müsəlman olmalıdır

“Ərim şəhvətdən ötrü ikinci bir arvad istəsəydi, etiraz edə bilərdim. Ancaq böyük bir ailə və çoxlu uşaq istəyir, mən bu istəyə hörmət edirəm. Və çox güman ki, bizdən iki deyil, bir neçəsi olacaq. Bir ailədə bir neçə arvad bir kişini zina etmək vəsvəsəsindən xilas edir”, - Nərgiz Tleumbetova fikrini belə izah edib. 

Onun sözlərinə görə, namizəd artıq tapılıb. Nərgiz özü də Sergey adlı rus millətindən olan ərinin xatirinə İslam dinini qəbul edərək müsəlman olub.