Narkotik alverçilərinin təyyarəsi vurulacaq - İcazə verilib

Peru Konqresi narkotiklərin daşınmasında şübhəli bilinən şəxsi təyyarələrin vurulmasına icazə verən qanunu yekdilliklə qəbul edib. "Report" BBC-yə istinadən xəbər verir ki, Peru dünyada ən mühüm kokain tədarükçülərindən biridir. Perunun narkotiklərlə mübarizə agentliyi bildirib ki, narkotik alverçiləri kokaini digər ölkələr, xüsusilə də ABŞ-a kiçik təyyarələrdə daşıyır. Cənubi Amerikada narkotiklərlə mübarizə proqramına sponsorluq edən ABŞ Peru Hərbi Hava Qüvvələrinin şəxsi təyyarələri vurmasının əleyhinə çıxış edir. 2001-ci ildə Peru hərbçiləri səhvən amerikalı missionerlərin uçduğu təyyarəni vurub.