Qadın qolunda sistem ola-ola maşın sürdü - VİDEO

Çində daha bir qadın sürücü  müzakirə obyektinə çevrilib. Avtosfer.az atv.az-a istinadən xəbər verir ki, buna səbəb, xəstəxananı vaxtından əvvəl tərk edən qadının maşını qolundakı sistemlə birgə idarə etməsidir. Sakinlərdən biri tərəfindən lentə alınan görüntü qısa zamanda ölkədə rezonans yaradıb.

Qadın bir yandan maşının pəncərəsindən çölə çıxardığı sistemin dağılmamasına diqqət yetirib, bir yandan da tək əli ilə sükanı saxlamağa çalışıb.  Əlverişsiz şəraitdə avtomobil idarə etsə də, heç bir qəza törətməyən sürücünün hansı səbəbdən sükan arxasına qolundakı sistemlə əyləşdiyi də məlum olub.

Çox keçmədən yol polisləri tərəfindən saxlanılan qadın xəbərdarlıq edildikdən sonra evə buraxılıb. Sən demə,  qadın sürücünün maşını bu cür sürməyə vadar edən səbəb ərindən qorxması imiş. Belə ki, xəstəxanada onun qoluna sistem vurularkən, həyat yoldaşı zəng edərək əsəbi şəkildə dərhal evə qayıtmağı tələb edib. Ərinin sözündən çıxmayan qadın, nədənsə qolundakı sistemi çıxarmağa ehtiyac görməyib. Sağlamlığına nə qədər önəm verdiyi görüntülərdən də əks olunan qadın xoşbəxtlikdən evinə salamat çata bilib.