Qəhrəman ata özünü təhlükəyə ataraq qızını ölümdən belə xilas etdi – VİDEO

Dəmir yollarında təhlükəsizlik qaydalarına riayət etməmək əksər hallarda faciə ilə nəticələnir. Lakin nadir hallarda belə vəziyyətdə ölümdən qurtulmaq olur. “Masrawy” xəbər verir ki, belə xoşbəxt hadisə Misirdə baş verib. Qızının platformadan yıxıldığını görən ata fikirləşmədən onun üstünə atlanaraq öz bədəni ilə sürətlə yanından keçən qatardan qoruyub.

Videokadrlarda göründüyü kimi, ata 12 yaşlı qızını var gücü ilə qucaqlayaraq bütün gələcək xəsarətləri öz üzərinə götürmək istəyir.

Sevindirici haldır ki, bu cür qəhrəman atanın fədakarlığı hədər olmur və ikisi də bu ölümcül vəziyyətdən sağ-salamat çıxa bilirlər.