Qeyri-adi uçan avtomobil - VİDEO

Təsəvvür edin təyyarədə uçursunuz, birdən təyyarə aşağı enir və qanadlarını yığaraq avtomobillər arasında hərəkət etməyə başlayır. Avtosfer.az atvxəbər-ə istinədən xəbər verir ki, ABŞ-ın Massaçusets texnologiyalar institutunun mütəxəssisləri qeyri-adi uçan avtomobil  istehsal edib. Yolda şütüyən maşın sürücünün istəyindən asılı olaraq qanadlarını açır və havada uçmağa başlayır.

Mütəxəssislər belə bir avtomobil yaratmaq ideyasını fantastik Cetsonlar ailəsi filmindən götürüb.  İllərdir layihə üzərində işləyən mühəndislər sonar 4  təkərli təyyarə yarada bilib. Amma bu təyyarə əksər avtomobillərdə olduğu kimi  4 nəfərlikdir, üstəgəl onu anqarda yox, qarajda saxlamaq mümkündür. İv Rossinin təyyarə ilə yarışdığı qırıcı mühərrikli qanaddan fərqli olaraq, bu uçan avtomobil olduqca  təhlükəsizdir. Yəni  istənilən şəxs qısa müddətli təlim sayəsində həmin avtomobillə uça, onu istədiyi yerə endirə  bilər. Tranzişn-yəni Keçid adı verilən avtomobili  alıb idarə etmək isə indiki şəraitdə hər kəsə nəsib olmayacaq. Uçan avtomobillə həm quruda, həm də havada hərəkət edə bilmək üçün  insana sadəcə sürücülük vəsiqəsi yox, pilot şəhadətnaməsi də verilməlidir.