Sakinlər yanğınsöndürənlərin qarşısını kəsən avtomobili əlləri ilə qaldırıb kənara çəkdilər - VİDEO

Rusiyanın Leninqrad vilayətinin Murino şəhərində baş verən yanğının söndürülməsi sürücünün məsuliyyətsizliyi nəticəsində gecikib.

REN TV xəbər verir ki, yanğın şəhərdə yerləşən çoxmərtəbəli binanın mənzilində başlayıb.

Hadisə yerinə çağırılan yanğınsöndürənlər binanın həyətində yanlış yerdə park edilən avtomobilə görə həyətə daxil ola bilməyiblər.

Nəticədə, binanın sakinləri xilasedicilərin yolunu kəsən avtomobili əlləri ilə kənara çəkməyə məcbur olublar.