Sərxoş qadın təyyarədə nələr etdi, nələr... – VİDEO

Təyyarə terrorlarının artdığı bir vaxtda, ABŞ-da bir qadın sərnişinlərə qorxu dolu anlar yaşadıb.  Avtosfer.az atv.az-a istinadən xəbər verir ki, təyyarə havada uçarkən, sərxoş olan sərnişinin  hava almaq üçün çıxış qapısını açmağa çalışması, ekipaj üzvlərini hərəkətə keçirib. Qəribə hadisə Londondan Bostona uçan təyyarədə qeydə alınıb. Spirtli içkinin təsiri altında olan qadının inadla qapını açmağa çalışması, pilotu  təyyarəni təcili yerə endirməyə vadar edib.  Layner planlaşdırılandan yarım saat əvvəl  Loqan beynəlxalq hava limanına eniş edib. Aşağıda laynerin enməsini gözləyən polislər,  şübhəli qadını dərhal yaxalayıb. Polislərin verdiyi açıqlamaya görə, havada təyyarənin qapısını açmağa çalışan sərnişin, Polşa vətəndaşı Kamila Dolnyakdır. 32 yaşlı qadının terrorçu qruplaşmalarla hər hansı əlaqəsinin olub olmaması araşdırılır. Bütün hallarda o, öz əməlinə görə qanun qarşısında cavab verməli olacaq.