Sürücülük vəsiqəsi aldı, 1 saat keçməmiş sürücülük hüququnu itirdi

Almaniyada 18 yaşlı bir gənc sürücülük vəsiqəsi alıb və cəmi 49 dəqiqə sonra sürücülük hüququndan məhrum edilib. Avtosfer.az xəbər verir ki,  oğlan vəsiqəni cibinə qoyan kimi sürətlə avtomobil idarə edib. Yaşayış məntəqəsində sürət həddini 45 km/saat aşıb (50 km/saat olan yerdə 95 km/saat-la hərəkət edib). Polis onu 4 həftəlik sürücülük hüququndan məhrum edib və 200 avro da cərimələyib. Üstəlik onun "yeni sürücü" (yəni xam sürücü) statusu 2 ildən 4 ilə artırılıb.

Fərid