Türkiyədə 9 təyyarə "su qiymətinə" satışa çıxarılıb

Türkiyənin İstanbul şəhərindəki Atatürk Beynəlxalq Hava Limanında saxlanılan, müflis olmuş aviaşirkətlərə məxsus və istismar dövrü başa çatmış 9 təyyarə açıq hərrac yolu satışa çıxarılıb.
TED.az Türkiyə mətbuatına istinadən xəbər verir ki, təyyarələrə ilkin olaraq 3,7 milyon lirə (416 min ABŞ dolları) qiymət qoyulub.
Hərrac yanvarın 14-ü saat 14:30-da Dövlət Hava Limanları İdarəsində keçiriləcək.
Qeyd olunur ki, bu, bazar qiymətinə nəzərən "su qiymətinə"dir.