“WhatsApp” yazışmalarını “Telegram” daşımaq mümkün oldu

"Telegram" messenceri istifadəçilərin başqa proqramlarda, xüsusilə "WhatsApp"dakı yazışmalarının daşınması funksiyasını tətbiq edir. Bu yeniləmə "iOS" istifadəçiləri üçün əlçatan olub.

Avtosfer.az "tass.ru" saytına istinadən xəbər verir ki, "indi başqa mobil tətbiqlərdən (məsələn, "WhatsApp", "Line" və ya "KakaoTalk") yazışmaların tarixçəsini "Telegram" messencerinə daşımaq olar" – "AppStore" proqramlar mağazasında yerləşdirilmiş yeniləmənin təsvirində belə deyilir.

Bundan başqa, yeni yeniləmə istifadəçilərə bütün iştirakçılar üçün yaradılmış qrupları, çatlar siyahısından məxfi çatları, həmçinin zənglərin tarixçəsini heç bir iz saxlamadan silməyə imkan verir.