“Xaliq Faiqoğlu” avtobuslarda sərnişinlərə sürpriz etdi - FOTO

“Xaliq Faiqoğlu” MMC Novruz bayram münasibəti ilə istismarında olan marşrut xətləri üzrə avtobuslar sərnişinlərinə sürpriz edib. Həyata keçirilən aksiya çərçivəsində avtobuslara daxil olan milli geyimli əməkdaşlar Novruzun atributu sayılan və xüsusi dizaynla qablaşdırılmış çərəz və şirniyyatları sərnişinlərə təqdim ediblər. Avtosfer.az xəbər verir ki, tədbir zamanı bayram günləri olmasına baxmayaraq sərnişinlərə xidmt göstərən sürücü və dispeçerlərə də hədiyyələr təqdim edilib.
Aksiya zamanı 1000 nəfərə yaxın şəxsə bayram sovqatları verilib. Paytaxt sakinləri, eləcə də şəhərimizdə qonaq olan turistlər diqqətə görə minnətdarlıq ediblər.
Onu da qeyd edək ki, paytaxtımıza turist kimi gəlmiş Fransa, İran, İraq və Türkiyə vətəndaşları milli geyimli xanımlara və şirniyyatlarımıza xüsusi maraq göstərib. Onlara “Xaliq Faiqoğlu” şirkəti barədə qısa məlumat verilib.

Emin