Yeni sivilizasiyanın yaradılması üçün orbitə gen bankı göndərildi

Çinin "Shainghai ManWei Technology" şirkəti tarixdə ilk dəfə orbitə DSB-01 kosmik gen bankını göndərib. Avtosfer.az oxu.az-a istinadən bildirir ki, bunun üçün "Çançjen-4" raket daşıyıcısından istifadə olunub. Layihə müəllifləri 7 Çin vətəndaşından götürülmüş gen materialının təxminən min il ərzində tam mühafizə olunacağını bildiriblər. Gen materialı kosmik radiasiyadan qorunan xüsusi konteynerə yerləşdirilib. Bəzi mütəxəssislərin rəyinə əsasən, Yer planeti artıq 400 ildən sonra yaşayış üçün yararsız vəziyyətə düşəcək. "Sözügedən gen bankının yardımı ilə yeni insan sivilizasiyası yaranacağı ehtimal olunur", - telekanalın məlumatında deyilir.