1700-dən çox erməni yük maşını Yuxarı Larsda gözləyir

1700-dən çox erməni yük maşını Şimali Osetiyanın Rusiya-Gürcüstan sərhədində Verxniy Lars keçid məntəqəsində elektron növbə gözləyir. 

News24.az xəbər verir ki, bu barədə "Sputnik Armenia" məlumat yayıb.

Son məlumatlara görə, ümumilikdə 4862 nəqliyyat vasitəsi növbədə qeydiyyatdadır. Bunlardan 1761 erməni yük maşını Gürcüstana getmək üçün elektron növbə gözləyir.

Bir həftədən çoxdur ki, Rusiyadan Gürcüstana gedən yolda “Verxniy Lars” keçid məntəqəsindən keçən yolda böyük növbələr yaranır. 

Bayram mövsümü və kənd təsərrüfatı məhsullarını daşıyan yük maşınlarının sıx axını ilə bağlı tıxaclar daha da pisləşir.

Xatırladaq ki, Gürcüstan Hərbi Yolu Ermənistanı Rusiya ilə birləşdirən yeganə quru yoludur (Gürcüstandan keçməklə).