"20 Yanvar" metrostansiyasının yeraltı keçidlərində mağazalar bağlandı

Bu gün səhər saatlarında Bakı metrosunun "20 Yanvar" stansiyasının yeraltı keçidlərində fəaliyyət göstərən mağazalar fəaliyyətini dayandırıb.

Avtosfer.az xəbər verir ki, mağazaların hansı səbəbdən bağlanması məlum deyil.

"Bakı Metropoliteni" QSC-nin mətbuat xidmətinin rəhbəri Bəxtiyar Məmmədov saytımıza bildirib ki, bu yerin onlara aidiyyəti yoxdur:

"Ora ilə bağlı səlahiyyətimiz olmadığı üçün məlumatsızıq", - deyə B.Məmmədov vurğulayıb.