ABŞ aviaşirkətlərə uçuş riskləri barədə xəbərdarlıq etdi

ABŞ Federal Aviasiya Administrasiyası (FAA) aviaşirkətlərə Latın Amerikasının müəyyən ölkələri üzərindən uçuş edərkən ehtiyatlı olmağı tövsiyə edib. Bura Meksika, Mərkəzi Amerika ölkələri, Ekvador və Kolumbiya daxildir.

Avtosfer.az xəbər verir ki, məlumatı "Reuters" yayıb.

Pilotlara xəbərdarlıq 60 gün müddətində qüvvədə olacaq.

FAA bu qərarını bölgədəki mümkün hərbi fəallıq və GPS-naviqasiyasındakı pozuntularla əlaqəli risklərlə bağlayıb.

Agentliyin məlumatına görə, FAA-nın tövsiyələri ABŞ-nin Venesueladakı hərbi əməliyyatından və prezident Nikolas Maduronun tutulmasından sonra dərc edilib. Daha əvvəl ABŞ Prezidenti Donald Tramp Meksikadakı narkokartelləri hədəf alacağı ilə hədələyib və Kolumbiyaya qarşı hərbi əməliyyat ehtimalını da istisna etməyib.