ABŞ pilotsuz təyyarələrin idxalını qadağan etdi

ABŞ-nin Federal Rabitə Komissiyası (FCC) xaricdə istehsal olunmuş yeni dronların istifadəsini qadağan edib.

Avtosfer.az xəbər verir ki, məlumatı "Politico" yayıb.

Xaricdə istehsal olunan pilotsuz təyyarələr və kritik komponentlər ABŞ-nin milli təhlükəsizliyini təhdid edən avadanlıq və xidmətlərin siyahısına əlavə edilib. Nəticədə Çin şirkəti DJI (qlobal bazarın 70%-dən çoxuna sahib olan "Da-Jiang Innovations") və digər xarici istehsalçılar avadanlıqların məcburi sertifikatlaşdırılmasından keçə və ABŞ-də yeni modellərin idxalı və ya satışına icazə ala bilməyəcək. Bununla belə, Pentaqon və ya ABŞ Daxili Təhlükəsizlik Departamenti onların təhlükə yaratmadığını müəyyən edərsə, agentlik müəyyən istisnalara icazə verir.

ABŞ hökumət komissiyasının fikrincə, Çin və digər ölkələrdən yeni pilotsuz təyyarələrə qadağa hücum, casusluq, sızma və digər təhdidlər riskini azaldacaq.

Qlobal bazarın təxminən 70%-nə sahib olan Çin istehsalçısı DJI bu addımdan məyus olduğunu bildirib.