AMEA-nın işçisininə 13-cü imam olduğunu “təsdiqləyən” “sertifikat” verildi

Azərbaycan Milli Elmlər Akademiyasının işçisi olan xanıma 13-cü imam olduğunu “təsdiqləyən” “sertifikat” verilib. Məlumata görə, öncə xanımı inandırıblar ki, səndə qeyri-adi səmavi istedad var, adi insan deyilsən. Xanım da doğrudan buna inanıb. Rəsmiləşdirməni tələb edib, nəticədə sertifikasiya ediblər.

Məsələ ilə bağlı  qadın hüquq-mühafizə  orqanlarına müraciət edib. AMEA işçisinin vəkili Aqil Layıc Unikal.org-a  açıqlamasında bildirib ki,   “sertifikat” verən şəxslərin kimliyi bəllidir. 

"Hazırda iş  üzrə istintaq işləri aparılır. Qadına qarşı dələduzluq edən şəxslərin işi məhkəməyə göndəriləcək".  

Həmçinin də,  vəkil bildirir ki, “sertifikatın” verilməsi üçün AMEA işçisindən müəyyən miqdarda pul da alıblar.