Artezian quyularının naqillərini oğurlayan şəxslər saxlanıldı

Artezian quyularının naqillərini oğurlayan şəxslər saxlanılıblar.

Avtosfer.az xəbər verir ki, Goranboy Rayon Polis Şöbəsinin əməkdaşlarının keçirdikləri tədbirlər nəticəsində rayonun bir neçə kəndində yerləşən artezian quyularını elektrik enerjisi ilə təmin edən naqilləri oğurlayan şəxslər tutulublar.

Araşdırmalar zamanı məlum olub ki, S.Həsənov, Ə.Məmmədov və S.Alışanov rayon ərazisində yerləşən 4 artezian quyusunu elektrik enerjisi ilə təmin edən, ümumi dəyəri 4000 manat olan, 410 metr uzunluğunda naqilləri kəsərək oğurlayaraq metal qəbulu məntəqələrinə satıblar.

Faktlarla bağlı araşdırmalar davam etdirilir.

(oxu.az)