Avtobusda mədəniyyət dərsi biabırçılıqla nəticələndi

Bu gün Bakıda sərnişin avtobusunda dava düşüb. Anspress-in hadisə yerində olan müxbirinin verdiyi məlumata görə, hadisə Binəqədi rayon Biləcəri qəsəbəsi ərazisində qeydə alınıb. Belə ki, dava 92 saylı sərnişin avtobusu Biləcəridə “Abidə” adlanan ərazidə dayanacaqda saxlayarkən baş verib. Avtobus dayanacaqda saxlayan zaman avtobusdan düşənlərə yol verən gənc oğlan sonradan minmək istəyib. Bu zaman avtobusdan düşən orta yaşlı kişi onu itələyib. “Mədəniyyətin olsun. Düşənə yol ver”, - deyə orta yaşlı kişi iradını bildirib. Bu zaman gənc oğlan kişiyə təpiklə vurub. Nəticədə dava düşüb. Digər sərnişinlərin köməyilə dava iştirakçıları sakitləşdirilib.