“Avtomobillər “Oyunlar zolağı”nda hərəkət edə bilər” - Vaqif Əsədov

“Təkcə şəxsi avtomobillər deyil, ictimai nəqliyyat vasitələri də özbaşına “Oyunlar zolağı”na daxil olarsa, sürücülər inzibati məsuliyyət daşıyacaqlar. Əgər sıxlığın yaranmaması üçün polis əməkdaşları tərəfindən ictimai nəqliyyat vasitələrinin “Oyunlar zolağı”na daxil olmasına icazə verilibsə, bu xidmətlə əlaqədar yaranan zərurət və hərəkətin təhlükəsizliyini təmin etmək kimi başa düşülür”. 

Avtosfer.az xəbər verir ki, bu sözləri modern.az-a açıqlamasında Bakı Şəhər Dövlət Yol Polisi İdarəsinin İctimaiyyətlə əlaqələr şöbəsinin rəisi Vaqif Əsədov paytaxtın bəzi ərazilərində ictimai nəqliyyat vasitələrinin “Oyunlar zolağı”na daxil olaraq hərəkət etməsi məsləsinə aydınlıq gətirərkən deyib.

O vurğulayıb ki, hərəkətin tənzimlənməsi ilə bağlı ərazi üzrə xidmət aparan yol polisi nizamlayıcı qismində olub, ictimai nəqliyyat vasitələrinin həmin zolaqda hərəkət etməsinə göstəriş verirsə, o, yerinə yetirilməlidir.

“Bu zaman polis əməkdaşı dərhal Mərkəzi Məlumat Mərkəzinə xəbər verir ki, bu hərəkətə “mən icazə verdim və onun fotomaterialı hazırlanmasın, elektron protokol tərtib edilməsin”. Bunu eyni zamanda özümüz də izləyirik”.