Avtosfer.az yazdı, DYP həll etdi - FOTO

Bir neçə gün əvvəl Avtosfer.az-a müraciət edən oxucu bildirmişdi ki, Şirvan şəhərindən Sabirabad rayonuna gedən yoldakı dairədə «qeyri-adi» yol nişanı quraşdırılıb. Belə ki, oxucunun göndərdiyi fotolardan da göründüyü kimi, dairədə həm «Yol ver» nişanı, həm də «Stop» nişanı quraşdırılıb. Bu nişanın ikisinin eyni vaxtda tətbiqinin gülünc olduğunu yol hərəkəti üzrə ekspert Ərşad Hüseynov da təsdiq etmişdi.

Məsələ burasındadır ki, həmin dairədə mühaşidə kamerası var və qarşıdakı DYP postunda sürücüləri saxlayıb bu nişanların tələbini pozduğuna görə cərimə edirdilər. Lakin bu məsələ Avtosfer.az-da işıqlandırıldıqdan sonra problem öz həllini tapıb. Həmin oxucunun bu gün bizə göndərdiyi fotolardan məlum olur ki, artıq həmin dairədə hərəkət düzgün təşkil olunur və «Stop» nişanı yığışdırılıb.

Məsələyə diqqət göstərib həll edən DYP rəhbərliyinə təşəkkür edirik…

Avtosfer.az