Azərbaycanda 16 yaşlı oğlanın DƏHŞƏTLİ ÖLÜMÜ

Oktyabrın 4-dən 5-nə keçən gecə Lənkəran şəhəri S.Vurğun küçəsi 16 ünvanında 2005-ci il təvəllüdlü Tahirov Murad Qədir oğlunun intihar etməsi ilə bağlı cinayət işi açılıb.

Avtosfer.az xəbər verir ki, Lənkəran şəhər Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə iş açılıb. İlkin araşdırmalar zamanı məlum olub ki, 16 yaşlı Murad son aylarda bir neçə dəfə özünü öldürməyə cəhd edib. Belə ki, depressiv əhvalda olan Murad Tahirov soda məhlulu içərək özünü öldürmək istəyib. Daha sonra isə 2 ay əvvəl o, kəsici alətlə qol damarlarını kəsərək həyatına son qoymağa çalışıb. Hər iki halda onun həyatını xilas etmək mümkün olub.

Oktyabrın 5-nə keçən gecə isə 16 yaşlı oğlan ailəü zvlərinin yatmasından istifadə edərək yaşadığı evin 2-ci mərtəbəsinin artırmasına qalxıb və orada özünü asaraq intihar edib.

Faktla bağlı araşdırmalar davam etdirilir.

Publika.az