Azərbaycanda ötən il 15 mln. tona yaxın tranzit yük daşınıb

Ötən il Azərbaycanda 14,8 milyon ton tranzit yük daşınıb.

Avtosfer.az xəbər verir ki, bunu "Nəqliyyat sahəsində 2024-cü ildə həyata keçirilən tədbirlər və 2025-ci il üçün planlar" barədə mətbuat konfransında rəqəmsal inkişaf və nəqliyyat nazirinin müavini Rəhman Hümbətov deyib.

O bildirib ki, dəmir yolu vasitəsilə daşınan tranzit yüklərin həcmi rekord həddə çataraq 7,3 milyon ton olub:

"Hava nəqliyyatı ilə sərnişin daşıma əvvəlki illə müqayisədə 31% artıb və rekord həddə çatıb. Yəni 7,5 milyon sərnişinə xidmət göstərilib. Metroda sərnişin daşıma pandemiyadan sonra ən yüksək həddə, yəni 30 milyon nəfərə yüksəlib. Avtobuslar vasitəsilə daşınan sərnişin sayı illik 20% artaraq 148 milyon nəfərə çatıb".