Bakı-Sumqayıt yolundakı tıxac problemi NƏ VAXT HƏLL OLUNACAQ? - Ekspert AÇIQLADI

“Bakı-Sumqayıt yolundakı tıxac probleminin həlli yolu var. Sadəcə böyük maliyyə tələb edir. Bu tıxac əsasən iki istiqamətdə yaranır”. Avtosfer.az xəbər verir ki, bu sözləri Sia-ya açıqlamasında yol hərəkəti qaydaları üzrə ekspert Elməddin Muradlı deyib.
Onun sözlərinə görə, Xırdalan şəhərinə gedənlər, yəni tunelə daxil olmayanlar 2-3 zolaqda, bəzən isə 4 zolaqda tıxac yaradırlar: “Eyni zamanda şəhər istiqamətində körpü yükü tam götürə bilmir. Keçmiş nəqliyyat naziri Ziya Məmmədov yolaverdi körpü tikdi və həmin körpünün effekti bu gün bizim tələbatımızı 60%-ə qədər ödəyir, amma ümumi effekti 100% ola bilərdi. Bu körpünün şaxələnmə hissələri olmalı idi. Məsələn 20 yanvar dairəsinə daxil olmadan Şərifzadə küçəsinə çıxa bilərdik, eyni zamanda tuneldən "Şamaxinka" deyilən əraziyə çıxa bilərdik. Şəhər istiqamətindən Sumqayıt yoluna hərəkət edərkən 20 yanvar dairəsinə daxil olmadan körpünün üzəri ilə gedib "Şamaxinka" ərazisindən dönmək olardı. Əlavə xərclər yaratmadan bu işləri görmək olardı. Amma onlar standart körpü modelindən istifadə etdilər. Bunun nəticəsi bu gün dövlətə baha başa gəlir. Bu yaxınlarda Bakı-Sumqayıt yolunda təmir işi aparıldı. Xırdalan dairəsinə dönənlər üçün normal şərait yaratmadılar və Bakı-Sumqayıt yolunda tıxac məhz Xırdalan dairəsinə keçəndən sonra yoxa çıxır. Qeyd etdiyim kimi insanlar "Şamaxinka" yolunda da bu problemlə üzləşir. Bu problemin ümumiyyətlə aradan qaldırılması üçün kənar yollar yaradılmalıdır”.
Naxçıvanda benzin qıtlığı var? - SOCAR-dan RƏSMİ CAVAB
Məşhur qadın biznesmenlə bağlı QƏRAR EDİLDİ
Vüqar Əliyev və 651 min manat: Bahalı hədiyyələr kimə sifariş edilib?
Vətəndaşlar şəhərdəki eskalatorların işləməməsindən narazıdır - EKSPERT
Tahir Qədəşovun kürəkəninə 11 il həbs verildi - “Atlant” müsadirə edildi
Badamdarda torpaq sürüşməsi təhlükəsi - VİDEO
Media və Yayım Şurası Fransadan idarə olunan "YouTube" kanalını ifşa edib
Ali məktəblər üçün yeni dövr: Hansı universitetlərə xüsusi status veriləcək?
Tələbələrin fotolarını montaj edib şantaj edən şəxs saxlanıldı - VİDEO
Bakı-Qazax yolunda təhlükəli vəziyyət - VİDEO
Nəvəsinin andiçmə mərasiminə gələrək itkin düşən kişinin meyiti tapıldı












