Bakıda adamı əzib keçən sürücülər də var - VİDEO

Seymur adlı daimi oxucu Avtosfer.az saytına müraciət edərək yol hərəkəti qaydalarından xəbərsiz olan sürücü tərəfindən kobudluqla üzləşdiyini deyir. Onun sözlərinə görə, noyabrın 17-də, səhər saat 11:46-da Babək prospekti ilə hərəkətdə olarkən qəflətən «Mersedes» markalı, 90-XJ-860 dövlət nömrə nişanlı avtomobil onun yoluna çıxıb. Nəticədə qəza şəraiti yaranıb. Amma Seymurun sayıqlığı nəticəsində qəzadan yan keçə biliblər: «Mən gördüm üstümə gəlir, tez maşını saxladım, dəyməyə imkan vermədim, sola çəkdim. Videodan da görünür ki, qayda pozan odur. Maşında anam da var idi. Sürücü düşüb məndən üzr istəmək əvəzinə, kobud danışmağa başladı. Deyirəm, adam bir üzr istəyər. Deyir, nə var, ölüm-itim yoxdur. Get kimə istəyirsən şikayət elə. Bax, belə insanlarımız var. Mənə deyir ki, görmürsən, «pavarotnik» yandırmışam. Deyirəm, «pavarotnik» yandırmaq o demək deyil ki, sən dönə bilərsən, gözləməlisən ki, yol boşalsın, sonra dönəsən».

Məsələ ilə bağlı Baş Dövlət Yol Polisi İdarəsinə müracəi edən Seymur hesab edir ki, belə sürücülərin cərimələnməsi və ictimai qınağa cəlb etmək üçün görüntüləri yaymaq faydalı olar. Biz də bunu nəzərə alaraq həmin videonu təqdim edirik:

Emin