Bakıda biabırçılıq – Avtobus dayanacağına parkomat qoydular - FOTO

Tanınmış jurnalist Eldar İsmayılov yol hərəkətinin təşkili ilə bağlı biabırçı mənzərəni ifşa edib. Avtosfer.az-ın məlumatına görə, E.İsmayılov sosial şəbəkələrdə foto paylaşaraq bildirib ki, həmin foto Bakının Nəsimi rayonu, Bakı Sağlamlıq Mərkəzinin qarşısı, Həsən bəy Yusifbəyli küçəsində çəkilib: «Avtobus dayanacağı nişanının qarşısında parkomat qurğusu qoyulub və dayanacaq maşınların park edilməsi üçün xəttlənib. Nişanı da, parkomatı da dövlət təşkilatı qoyub. Bir-birini təkzib edir. Bu sahəyə cavabdeh məmurların bilik və qabiliyyətləri yalnız buna çatır. Qəribə deyilmi? Bu məsələyə hörmətli ekspertimiz, hüquqçu dostumuz Ərşad Hüseynovun ətraflı şərh verməsini arzu edərdim».

Ekspert Ərşad Hüseynov isə bildirib ki, bu mənzərə həqiqəğən də biabırçılıqdır: «Bu kimi vəziyyətlər yol hərəkətinin təşkilindəki pərakəndəliyin, birinin dediyini digərinin eşitməməsinin, hər kəsin qanunu yox, öz bəsit düşüncəsini rəhbər tutmasının nəticəsidir. Sağ olun ki, belə şeyləri qabardırsınız. Yəqin çarə qılarlar».

Emin