Bakıda qırmızı işıqdan keçən avtobusu boşaltdılar

«Qaraçuxur qəsəbəsində 105 və 40 saylı avtobuslar Bakı Nəqliyyat Departamentinin əməkdaşları tərəfindən saxlanılır». Bu barədə Lent.az-a sərnişinlərdən biri məlumat verib. O qeyd edib ki, sərnişinlər zorla avtobuslardan düşürülür, avtobuslar isə naməlum istiqamətə aparılır.

Məsələ ilə bağlı Nəqliyyat Nazirliyinin Dövlət Avtomobil Nəqliyyat İdarəsinin Bakı Regional Şöbəsi ilə əlaqə saxladıq. Şöbənin rəis müavini Əmrah Cəfərov bildirib ki, qəsəbə ərazisində yalnız bir marşrut saxlanılıb: “O da 103 saylı xətt üzrə hərəkət edən avtobusdur. Həmin avtobusun saxlanılmasına səbəb isə işıqforun qırmızı işığını keçməsidir”.