Bakıda qoşa xətti minənlər – FOTO

Bakıda əksər sürücələr yolda bir balaca sıxlıq yaranan kimi qarşı yola çıxmağı, qoşa xəttin tələbini pozmağı, svetoforun qırmızı işığında keçməyi adi hala çeviriblər. Oxuculardan birinin Avtosfer.az-a göndərdiyi fotolardan da göründüyü kimi, ağ rəngli «Jeep» markalı avtomobil Sabunçu-Zabrat yolunda qoşa xəttin üstü ilə hərəkət edir. Bu isə kobud qayda pozuntusudur. Qoşa xəttin tələbini qismən pozaraq, yəni, təkərlərin ikisi əks yola çıxıbsa, İnzibati Xətalar Məcəlləsində 60 manat, 3 bal cərimə nəzərdə tutulur. Qoşa xəttin tələbini pozaraq tam əks yola çıxmaq üçün isə 100 manat və 4 cərimə balı nəzərdə tutur.

Fotolardan göründüyü kimi, qırmızı rəngli «Mersedes» markalı avtomobil də qoşa xəttin tələbini pozaraq geriyədönmə əməliyyatı apırır. Belə halda 3 bal, 60 manat cərimə nəzərdə tutulur.

Onu da qeyd etmək yerinə düşər ki, yolda sıxlıq yarandıqda hansısa qayda pozuntusu sürücünü inzibati məsuliyyətdən azad etmir.

Elməddin