Bakıda sakinlərdən avtobus şikayəti - VİDEO

Nərimanovda yaşayan sakinlər bağlanan avtobusların tezliklə işə düşəcəyi günü gözləyirlər. Nərimanov rayonu, Yusif Vəzir Çəmənzəminli küçəsi, 106 ünvanında yaşayan sakinlər, marşrut xəttinin olmamasından narazılıq edir. Onların sözlərinə görə, əvvəllər ərazidə fəaliyyət göstərən 14 və 15 saylı avtobuslar, I Avropa Oyunları zamanı bağlanıb və onlara həmin marşrutların oyunlardan sonra açılacağı bildirilib. Amma 7 ay keçməsinə baxmayaraq marşrutlar hələ də bərpa olunmayıb. Məcburiyyət qarşısında qalan sakinlər ya ərazidən yegənə keçən 24 saylı marşrutdan istifadə edir, ya da yaxınlıqdaki metro stansiyasına ayaqla getməli olur. Bu da ki, heç də hamıya sərfəli olmur.

Məsələ ilə bağlı Nəqliyyatı İntellektual İdarəetmə Mərkəzinin mətbuat katibi Şəfa Menhmanqızı bildirdi ki, deyilən ərazidə vətəndaşlar marşrutla bağlı problemlə üzləşiblərsə, quruma müraciət edə bilərlər. Məsələ araşdırıldıqdan sonra isə vətəndaşların istəyinə baxıla bilər.