Bakıdan gedən ermənilərin təyyarəsi İrəvana endi - VİDEO

Xəbər verdiyimiz kimi, Azərbaycan 5 erməni diversantı Ermənistana təhvil verib.

Ambardanyan Mels Karapetoviç, Karapetyan Rafik Robertoviç, Manukyan Jora Vanoeviç, Manukyan Ovsep Robertoviç, Soqomonyan Sedrak Samveloviçin olduğu təyyarə İrəvanda "Erebuni” hava limanına enib.

Erməni diversantlar Rusiyanın Qarabağdakı sülhməramlı kontingentinin sabiq komandanı Rüstəm Muradovun vasitəçiliyi ilə İrəvana çatdırılıblar.

Adıçəkilən ermənilər Vətən müharibəsindən sonra Azərbaycanın Xocavənd rayonu ərazisindən Azərbaycan sərhədlərini pozaraq Hadrut qəsəbəsi ərazisinə daxil olarkən Azərbaycan Silahlı Qüvvələri tərəfindən saxlanılmışdı. Bakı Ağır Cinayətlər Məhkəməsinin hökmü ilə saxlanılan şəxslərin hər biri 4 il müddətinə azadlıqdan məhrum edilmişdi.