Balakən rayon Mədəniyyət Mərkəzində “Külə dönmüş arzular” tamaşası nümayiş olunub - FOTO

Balakən rayon Mədəniyyət Mərkəzində narkomaniyaya qarşı mübarizə ilə bağlı “Sağlam gənclik, sağlam həyat, sağlam nəsil naminə” layihəsi çərçivəsində “Külə dönmüş arzular” tamaşası nümayiş olunub.

Mədəniyyət mərkəzi, polis şöbəsi və təhsil sektorunun birgə təşkilatçılığı ilə reallaşan tamaşaya polis əməkdaşları, məktəblərin yuxarı sinif şagirdləri, mədəniyyət işçiləri və mərkəzin könüllüləri baxıblar.

Tamaşadan əvvəl çıxış edən rayon icra hakimiyyətinin və polis şöbəsinin əməkdaşları narkotik vasitələrin fəsadlarından, ondan istifadə edən şəxslərin qarşılaşdıqları problemlərdən danışıb, ölkəmizdə “ağ ölüm”ə qarşı aparılan qətiyyətli mübarizə tədbirlərindən söz açıblar. Daha sonra isə tamaşa nümayiş olunub.