Baş direktor: "Qazilərdə psixoloji durum əsasən stabilləşib, ağrılar azalıb"

“Əvvəl müharibə və əməliyyatdan sonrakı dövr olduğundan qazilər daha ağır vəziyyətdə idilər”.

Avtosfer.az-ın məlumatına görə, bunu Səhiyyə Nazirliyi Sanator Kurort Reabilitasiya Mərkəzinin baş direktoru Mürsəl Mürsəlov "44 günlük Vətən müharibəsi qazilərinin reabilitasiyası” mövzusunda çıxışında deyib.

O bildirib ki, əvvəl daha ağır xəstələrlə işləyiblər: “İndi onlarda psixoloji durum əsasən stabilləşib, ağrılar azalıb, lakin reabilitasiyaya ehtiyacları olduqları üçün müraciət edirlər. Hazırda qazilər əsasən ətrafların travmaları, kəllə-beyin travmaları və oynaqların hərəkət məhdudiyyətiilə bağlı müalicə alırlar. Bununla yanaşı psixoloji durumunda problem olanlar da var”.