![Sabirabadda yük maşını piyadanı vurub öldürdü - FOTO](/upload/news/small/1034971.jpeg)
Başqalarından qanun tələb edib özü qanunu pozur - VİDEO
![Başqalarından qanun tələb edib özü qanunu pozur - VİDEO](/upload/news/72fc99.jpg)
Avtosfer.az saytına oxucular tərəfindən daha bir maraqlı video göndərilib. Bakıda çəkilən videodan aydın olur ki, «Hyundai-Tucson» markalı, 90 – AU - 911 dövlət nömrə nişanlı Post-Patrul Xidməti avtomobili yol hərəkəti qaydalarını kobud şəkildə pozur. Belə ki, PPX avtomoibili üstünlük verən vasitələrdən - səs siqnalı və sayrışan işıqlardan istifadə etmədən svetoforun qırmızı işığından keçib bir neçə metr irəlidə, yolun ortasında dayanır. Dayanmış olsa belə, həmin nəqliyyat vasitəsi svetoforun qadağanedici işarəsinin tələbini pozmuş sayılır.
Yol hərəkəti qaydaları tələb edir ki, svetoforun qadağanedici işığı yandıqda nəqliyyat vasitəsi svetofordan irəlidə yox, əksinə, bir qədər geridə dayanmalıdır. Çünki ilk növbədə qırmızı işığın yaşıl işığa keçməsini görmək lazımdır. Bundan əlavə, svetoforun olduğu nöqtədən piyadalar da istifadə etdiyi üçün svetofordan bir qədər əvvəldə «Stop xətt» çəkilir ki, sürücülər həmin xətti keçməməlidirlər. Bizdə isə bəzi sürücülər xətti də keçir, piyada keçidinin üstündə də dayanır, bəziləri də bu videodakı kimi, gedib 10 metr irəlidə dayanır. Sanki hamı ilə eyni sırada dayanmaq pis işdir.
Elmin