Batareyanın əsas materialı sürətlə bahalaşmaqda davam edir

Elektromobil (elektrikli avtomobil) istehsalı səbəbindən litiuma tələb artıb, təklif (istehsal) isə gözlənilən sürətdə artmadığından  qiymətlər yüksəlməkdə davam edir.

Litium batareya istehsalının əsas materialıdır.

Litiumdan elektrikli avtomobillərin batareyalarında və bərpa eilən enerjinin toplanmasında istifadə edilir. Tələb güclü şəkildə artıb, mədən şirkətləri isə bu tələbi qarşılamaqda çətinlik çəkirlər.  

Ötən illərdə qiymətlər aşağı olan zaman sərmayələrin yavaşlaması və pandemiya şərtləri istehsalın az qalmasına gətirib çıxarıb.

Qiymətlər artmaqdadır. Məlumata görə, tenderə 8 min tonluq litium yük üçün ton başına 2 min 240 dollarlıq bir təklif verilib. İyul ayındakı tenderdə bu təklif 1250 dollar səviyyəsində idi.

Asian Metal Inc.-ın məlumatlarına görə, Çində litium karbonat yalnız son iki ayda təxminən iki  dəfə bahalaşıb, litium hidroksit isə 70%-dən çox dəyər qazanıb.

Əlavə litium hasil edilməməsi vəziyyətində elektromobillərin bazara çıxması yavaşlaya bilər.///marja