Bayrağı bəyənməyən sürücülər – FOTO

Azərbaycanda avtomobilin dövlət nömrə nişanının üzərindəki bayrağı qəsdən yayarsız hala salan və ya onun yararsız hala düşməsinə əhəmiyyət verməyən xeyli sürücü var. Onlar ikisinin fotolarını Avtosfer.az-a oxucumuz Yaşar Məmmədov göndərib. Avtomobillərin hər ikisinin markası “VAZ-2104”dür. Nömrələri isə 90 FA 213 və 10 TU 539-dur. Onların hər ikisinin nömrəsinin üzərindəki bayraq silinib. Görünür, sürücülər bundan narahat deyillər. Amma unutmaq olmaz ki, bayrağa olan sevgi bir yana, dövlət nömrə nişanını standarta uyğun qoruyub saxlamaq sürücünün borcudur. Qanunvericiliyə görə, avtomobilin dövlət nömrə nişanını yararsız hala salan sürücünü 60 manat və 4 bal cərimə gözləyir. Bununla yanaşı, avtomobil cərimə meydançasına aparıla bilər.

Elmin