Beləsinə sürücü demək olarmı; qəza şəraiti - VİDEO

Bu görüntülər bir neçə il öncə Bakıda çəkilsə də, günümüzün reallığını əks etdirir. Elə buna görə də Avtosfer.az saytı həmin videonu təqdim etmək qərarına gəlib ki, bəzi sürücülər baxıb nəticə çıxarsın. Çünki onların «qəhrəmanlıq» hesab etdiyi bu cür əməllər həm təhlükəlidir, həm də kənardan çox eybəcər görünür.

Bəzi sürücülər var ki, elə bu kadrlarda izlədiyiniz kimi hərəkətlər edir, başqalarının yoluna çıxır və ona irad tutanlara da qabaqdangəlmişlik edirlər. Elə bu sürücü də onlardan biridir. Sükan arxasında telefonla danışa-danışa idarə etdiyi «KİA» markalı avtomobillə birbaşa yolun hərəkət hissəsinə çıxır. Hansı ki, orada başqa avtomobillər hərəkət edir və bu «sürücü» də onlara qəza şəraiti yaradır. Lakin yoluna çıxdığı avtomobilin sürücüsü siqnal verib ona irad bildirdikdə əlini pəncərədən çıxarıb utanmadan cavab da qaytarır. Sizcə, belələrinə sürücü demək olarmı?

Avtosfer.az