Biləcəri qəsəbəsindəki park əsaslı təmir olunub - FOTO

Dövlət başçısının Bakı şəhərində park və xiyabanların əsaslı təmiri və yenidən qurulması ilə bağlı tapşırıqlarının icrası ilə bağlı Bakı Şəhər İcra Hakimiyyəti tərəfindən Binəqədi rayonu, Biləcəri qəsəbəsindəki Mədəniyyət və İstirahət parkı əsaslı şəkildə təmir edilərək sakinlərin istifadəsinə verilib.
BŞİH-dən Avtosfer.az-a verilən məlumata görə, qəsəbənin mərkəzindəki sahəsi 3 ha olan bu park uzun müddət təmirsiz olduğundan vətəndaşların normal istirahət tələblərinə cavab vermirdi.
Hazırlanmış layihəyə uyğun olaraq parkda sakinlərin istirahəti, uşaqların və gənclərin asudə vaxtlarını səmərəli keçirilmələri üçün tam şərait yaradılıb. Aparılan əsaslı təmir-abadlıq işləri çərçivəsində parkın ərazisində yararsız hala düşmüş, bəzi yerlərdə sınmış qranit və tamet örtüklər, pilləkənlər, bordyurlar yenilənib, mövcud olan yararsız oturacaq, idman və əyləncə qurğuları sökülərərək ərazidən daşınıb, onlar yeniləri ilə əvəzlənib. Bütün yaş qruplarına aid vətəndaşlar nəzərə alınaraq onlar üçün xüsusi guşələr yaradılıb. 2 yeni söhbətgah və parkın ərazisində müasir işıqlandırma sistemləri quraşdırılıb. Parkdakı fəvvarə təmir edilib.
Parkda uşaq oyun qurğuları yenilənib, bura və idman meydançalarına rezin örtük döşənib, parkda sahəsi 1500 kvadrat metr olan stadion təmir edilərək tam yenilənib. Stadiona xaricdə istehsal olunan bir neçə qatlıq müasir süni örtük çəkilib, futbol qapıları qurulub, stadionun ətrafına dəmir tor çəkilib.
Parkda genişmiqyaslı yaşıllaşdırma işləri aparılaraq mövcud ağaclar budanıb, suvarma xətləri yenilənib, yeni yaşıllıq zolaqları və qazon örtüyü salınıb, müxtəlif növ ağaclar, yeni dekorativ gül-çiçək kolları əkilib.
Sakinlər əsaslı təmirdən sonra parkın istifadəyə verilməsinə və ərazidə aparılan abadlıq, quruculuq və yenidənqurma işlərinə görə ölkə rəhbərliyinə dərin minnətdarlıqlarını bildiriblər.




Naxçıvanda benzin qıtlığı var? - SOCAR-dan RƏSMİ CAVAB
Məşhur qadın biznesmenlə bağlı QƏRAR EDİLDİ
Vüqar Əliyev və 651 min manat: Bahalı hədiyyələr kimə sifariş edilib?
Vətəndaşlar şəhərdəki eskalatorların işləməməsindən narazıdır - EKSPERT
Tahir Qədəşovun kürəkəninə 11 il həbs verildi - “Atlant” müsadirə edildi
Badamdarda torpaq sürüşməsi təhlükəsi - VİDEO
Media və Yayım Şurası Fransadan idarə olunan "YouTube" kanalını ifşa edib
Ali məktəblər üçün yeni dövr: Hansı universitetlərə xüsusi status veriləcək?
Tələbələrin fotolarını montaj edib şantaj edən şəxs saxlanıldı - VİDEO
Bakı-Qazax yolunda təhlükəli vəziyyət - VİDEO
Nəvəsinin andiçmə mərasiminə gələrək itkin düşən kişinin meyiti tapıldı












