Biləsuvarın bu ərazisində qaz olmayacaq

Biləsuvar rayonu, T.İsmayılov küçəsində yerləşən qaz xətti üzərində quraşdırılmış diametri 100 mm olan siyirtmədə aparılacaq təmir işləri ilə əlaqədar olaraq qaz təchizatında müvəqqəti fasilə yaranacaq.

Avtosfer.az xəbər verir ki, bu barədə “Azəriqaz” İB məlumat yayıb.

Bildirilib ki, şəhərin bir hissəsi də daxil olmaqla ümumilikdə 3500 abonentin qaz təchizatının 23.12.2025-ci il tarixdə saat 14:00-dan etibarən işlər yekunlaşanadək dayandırılması planlaşdırılır.

Qaz təchizatı avadanlıqlarını nəzarətdə saxlamanızı və təhlükəsizlik tədbirlərinə ciddi şəkildə riayət etməyinizi xahiş edirik.